കല്ലടത്തോട് ശ്രീനാരായണ ധര്മ്മസ്ഥാപന സംഘം പ്രസിഡന്റായിരുന്ന അലവില് കെ.രാഘവന്റെ സ്മരണയ്ക്കായി സംഘം ഏര്പ്പെടുത്തിയ കാഷ് അവാര്ഡുകള് വിതരണം ചെയ്തു. അഞ്ചാം തരത്തില്നിന്നും ഏറ്റവും കൂടുതല് മാര്ക്ക് വാങ്ങിയ അശ്വിന് ബാബു, അജു പ്രമോദ് (അഴീക്കോട് സൌത്ത് യു.പി), ടി.പി.മുഹമ്മദ് ഷമ്മാസ് (അഴീക്കോട് നോര്ത്ത് എല്.പി) എന്നിവര്ക്ക് കവിണിശ്ശേരി കെ.പി.ശശിധരന് അവാര്ഡുകള് വിതരണം ചെയ്തു.
അഴീക്കോട് ചെമ്മരശ്ശേരിപ്പാറ യുവധാര സ്പോര്ട്സ് ക്ലബ്ബിന്റെ നേതൃത്വത്തില് പ്രദേശത്തെ എസ്.എസ്.എല് .സി, പ്ലസ് ടു ഉന്നത വിജയികളെ അനുമോദിച്ചു. ജി.എം.എല് .പി സ്കൂള് ഒന്നാം ക്ലാസ്സിലെ കുട്ടികള്ക്ക് ക്ലബിന്റെ നേതൃത്വത്തില് യൂണിഫോം വിതരണം നടത്തി. യുവധാര ക്ലബ്ബ് സെക്രട്ടറി പി.പ്രകാശന്റെ അധ്യക്ഷതയില് എം.എല് .എ എം.പ്രകാശന് മാസ്റ്റര് പരിപാടി ഉദ്ഘാടനം ചെയ്തു. പി.പ്രകാശന് , പി.അനില്കുമാര് , എം.വിജേഷ്, എം.റിനില് എന്നിവര് സംസാരിച്ചു.
കണ്ണൂര് ബ്ലോക്ക്തല ഏകദിന നെല്കര്ഷക പരിശീലനം അഴീക്കോട് വന്കുളത്തുവയല് സര്വ്വീസ് സഹകരണ ബാങ്കില് സംഘടിപ്പിച്ചു. പരിശീലന പരിപാടിയുടെ ഉദ്ഘാടനം അഴീക്കോട് പഞ്ചായത്ത് പ്രസിഡണ്ട് കെ.ജയദേവന് മാസ്റ്ററുടെ അധ്യക്ഷതയില് കണ്ണൂര് ബ്ലോക്ക് പഞ്ചായത്ത് പ്രസിഡണ്ട് കെ. ഗിരീഷ് കുമാര് നിര്വ്വഹിച്ചു.
അഴീക്കോട് ഗ്രാമപഞ്ചായത്തില് ഫ്രണ്ട് ഓഫീസ് കൌണ്ടര് പ്രവര്ത്തനമാരംഭിച്ചു. പഞ്ചായത്തില് നിന്നും പൊതുജനങ്ങള്ക്ക് നല്കുന്ന സേവനങ്ങള് മെച്ചപ്പെട്ട രീതിയിലും, സമയബന്ധിതമായും നല്കുന്നതിനുവേണ്ടിയാണ് ഫ്രണ്ട് ഓഫീസ് കൌണ്ടര് പ്രവര്ത്തനമാരംഭിച്ചത്.
അഴീക്കല് 'സില്ക്കില്' നിര്മ്മിച്ച ആറ് ബോട്ടുകളില് രണ്ടെണ്ണം തീരം വിട്ടു. സംസ്ഥാന ജലഗതാഗത വകുപ്പിന് വേണ്ടി ആറ് മാസം മുമ്പാണ് ആറ് സ്റ്റീല് ബോട്ടുകളുടെ നിര്മ്മാണം ആരംഭിച്ചത്. ജലഗതാഗതവകുപ്പിനുണ്ടായ സാമ്പത്തിക പ്രശ്നം കാരണം ബോട്ടുകളുടെ നിര്മ്മാണം ഏറെ നാള് സ്തംഭിച്ചിരുന്നു. ജലഗതാഗത വകുപ്പില്നിന്ന് പണം ലഭിച്ചതോടെ ബോട്ടുകളുടെ പണി ദ്രുതഗതിയിലായി. ഏപ്രില് ആദ്യവാരത്തില് രണ്ടുബോട്ടുകളും അതിന് ശേഷം ബാക്കിയുള്ള രണ്ട് ബോട്ടുകളും ജലഗതാഗത വകുപ്പിന് കൈമാറും.
