പരമ്പരാഗത വ്യവസായങ്ങളായ നെയ്ത്ത്, കൈത്തറി, കയര്, ബീഡി വ്യവസായങ്ങളാണ് അഴീക്കോട് പഞ്ചായത്തില് പ്രധാനമായുള്ളത്. എങ്കിലും പ്രധാന വ്യവസായ മേഖല കൈത്തറി തന്നെയാണ്. കൈത്തറി കുടില് വ്യവസായമായും, ഫാക്ടറി അടിസ്ഥാനത്തില് സ്വകാര്യ മേഖലയിലും സഹകരണ മേഖലയിലും പ്രവര്ത്തിക്കുന്നു.
അഴീക്കോട്ട് ടൂറിസം വകുപ്പിന്റെ നേതൃത്വത്തില് സ്ഥാപിക്കുന്ന കൈത്തറി ഗ്രാമത്തിന് സ്ഥലം ഏറ്റെടുക്കാന് അനുമതി ലഭിച്ചു. നാലരക്കോടി രൂപ ചെലവിലാണ് കൈത്തറിഗ്രാമം സ്ഥാപിക്കുന്നത്. കേന്ദ്രവിഹിതവും പഞ്ചായത്ത് വിഹിതവും പദ്ധതിക്കായി വിനിയോഗിക്കും. മുന്വര്ഷത്തെ പഞ്ചായത്ത് വിഹിതം സ്പില്ഓവറായി ഇതിന് നീക്കിയിട്ടുണ്ട്.
അഴീക്കല് തുറമുഖത്തിന്റെ നിര്മ്മാണവുമായി ബന്ധപ്പെട്ട് കണ്സള്ട്ടന്സിയെ നിയമിക്കാന് കഴിഞ്ഞ ദിവസം ചേര്ന്ന ഉന്നതതല യോഗത്തില് തീരുമാനമായതോടെ തുറമുഖ പ്രവര്ത്തനം വേഗത കൈവരിക്കും. അന്തര്ദേശീയ കമ്പനിയായ ഡലോയിറ്റി ഇന്ത്യക്കാണ് കണ്സള്ട്ടന്സി വര്ക്ക് ഓര്ഡര് കൊടുക്കാന് തീരുമാനമായിട്ടുള്ളത്.
സണ്ലൈറ്റ് ബോര്ഡ്സ് പ്രൈവറ്റ് ലിമിറ്റഡ്
ഈസ്റ്റേണ് ഇന്ഡ്യാ പ്ലൈവുഡ്സ്
സി എന് കെ പ്ലൈവുഡ്സ്
സി എന് സോമില്സ്
ജെം വൂഡ് ആന്ഡ് പ്ലൈവുഡ്സ്
എം ഇ വുഡ് ഇന്ഡസ്ട്രീസ്
സുധര്മ്മ ഇന്ഡസ്ട്രീസ്
യൂണിയന് സോമില്സ്
കെ പി ഇന്ഡസ്ട്രീസ്
സില്ക്ക് (സ്റ്റീല് ഇന്ഡസ്ട്രിയല്സ് കേരള ലിമിറ്റഡ്)
ഫോണ് : 0497- 277060
സീനിയര് മാനേജര് : ആബിദ്. എ
അസ്സി. മാനേജര് : പി മനോഹരന്
1984 ല് സ്ഥാപിതമായ കപ്പല് പൊളിശാലയാണ് ഇത്. സ്റ്റീല് ഇന്ഡസ്ട്രിയല്സ് കേരള ലിമിറ്റഡി ന്റെ കീഴിലാണ് ഈ സ്ഥാപനം രൂപീകൃതമായത്. 1990 വരെ ചെറുതും വലുതുമായ നാല് പായകപ്പലുകള് ഇവിടെ നിന്ന് ലാഭകരമായി പൊളിക്കുകയുണ്ടായി. അഴിമുഖത്ത് അടിഞ്ഞുകൂടിയ മണല് തിട്ടകള് കാരണം കപ്പലുകള് അടുപ്പിക്കാനാവാതെ വരികയും തുടര്ന്ന് മറ്റു മേഖലകളിലേക്ക് ശ്രദ്ധകേന്ദ്രീകരിക്കുകയും ചെയ്തു. സ്റ്റീല്ഫാബ്രിക്കേഷന് ജോലികള് വളരെയധികം ഗുണനിലവാരത്തോടെയും തൃപ്തിയോടെയും പൂര്ത്തീകരിക്കാന് സാധിച്ചു. 2001 മുതല് 2006 വരെ ഏഴ് കപ്പലുകള് പൊളിച്ചു നല്കുകയുണ്ടായി.
കേരള സര്ക്കാരിന്റെ കീഴിലുള്ള ഏക ചെറുകിട കപ്പല് നിര്മ്മാണ ശാലയാണ് സില്ക്ക്.
വ്യവസായം 
